شاه داغیم ائل دایاغیم شانلی سهندیم شهریار
شاه داغیم ، چال پاپاغیم، ائل دایاغیم شانلی سهندیم،
باشی طوفانلی سهندیم.
باشدا حیدر بابا تک قارلا – قیروولا قاریشیب سان،
سون ایپک تئلی بولود لار لا افقده ساریشب سان،
ساواشار کن باریشیب سان.
گویدن الهام آلالی سرری سماواته دئیه رسن،
هله آغ کورکی بورون یازدا یاشیل دون دا گیئه رسن،
قورادان حالوا یئیه رسن.
دوشلرونده صونا لار تک سینه سی تک شوخ ممه لرده،
نه شیرین چشمه لرین وار ،
او یاشیل تئللری ،یئل هورمه ده آینالی سحرده،
عشوه لی ائشمه لرین وار .
قوی یاغیش یاغسا دا یاغسین،
سئل اولوب آخسادا آخسین،
یانلاروندا دره لر وار.
.......
..........
قیشدا کهلیک هوسی له چوله قاچدیقدا جوانلار.
قاردا قاققیلدا یاراق نازلی قلمقاشلارین اولسون.
.........
...........
آد آلیب سندن او شاعر کی ، سن اوندان آد آلارسان،
اونا هر داد وئره سن ،یوز او مقابل داد آلار سان.
تاریدان هر زاد آلارسان
باش اوجالدیقدا دماوند داغیندان باج آلارسان،
شئر الیندن تاج آلارسان
آذر بایجان ادبیاتی ایچون شهریار هر شیدن اول ( حیدر بابا) شاعری دبر. بو اثرین یارانماسی هم شاعرین ئوز حیاتیندا دونوش نقطه سی، هم ده ادبیاتی میزدا ینی مرحله نین باشلانغجی اولدی. بو ئو لمز بدیعی اثرین میدانا گلمه سی نی شهریارین حیاتیندا و یارادیجیلیغدا انو گوره دونوش نقطه سی حساب ائدیریک که ،شهریارین حقیقی استعدادی بو منظو مه ده تام گوجو ایله چاغلامیشدیر. محض بو اثری ایله شهریار ئوز یوردندا گنیش شکلده تانینما غا باشلادی، خلق آراسیندا درین و سارسیلماز محبتی بو اثری ایله قازاندی.
