نیروی های اسرائیل از خاک لبنان خارج میشود

اسرائیل قوه لری لبناندا ایره لی گئدیر.
12/08/2006

اسرائیل رسمی لرینین دئدیینه گوره اسرائیلین حزب الله چیلارا قارشی قورو عملیاتی آتش بس قطعنامه سینین اجراسینا دک داوام ائتدیریله جک. اسرائیل اردوسو ئوز عملیاتینی امنیت شوراسینین قطعنامه قبول ائتمه سیندن بیر نئچه ساعات سونرا داها دا گئنیش لندیردی. اسرائیلین تانک لاری و زرهلی ماشین لاریندان عبارت بویوک کاروان مرزدن 30 کیلومتر آرالی دا یئرله شن لیتانی چایینا دوغرو حرکته باشلادی. بونونلا یاناشی دونن اسرائیل هاوا قوه لرینین هاوا هجوملاری لبنان دا 19 انسانین حیاتینا سون قویوب. اسرائیلین پایلوتسوز- خلبانسیز طیاره لریندن بیری جانینی قورتارماق اوچون قاچان نظامی وغیرنظامی لره دوغرو بیر نئچه راکت فیرلادیب. نتیجه ده 7 نفر ئولوب. اسرائیل حساب ائدیرمیش کی، 100 کامیون دان عبارت بو کاروان لا حزب الله سلاح قاچاق ائدیر و مرجعیون شهریندن بو کاروانین چیخماسینا اجازه وئریلمه ییب میش. حزب الله دا اسرائیله راکت آتماغی داوام ائتدیریب نتیجه ده 7 نفر یارالانیب