به نقل از خبرگزاری ها

ایران اتمی تکلیف لره ئوز رسمی جوابینی وئردی!
22/08/2006

ایران ئوزونون اتمی تکلیف لره جوابینی یازیلی شکیلده تقدیم ائتدی. ایرانین اتمی مسئله لر اوزره باش مذاکره چیسی علی لاریجانی ئولکه سینین رسمی جوابینی ب م ت نین امنیت شوراسی + آلمانین تهرانداکی نماینده لرینه تقدیم ائدیب. بو جوابین نه دن عبارت اولماسی و جزئیاتی هله لیک آچیقلانماییب. آنجاق ایران رسمی لری اتمی مسئله ایله باغلی دانیشیقلارا گئتمه یه حاضیر اولدوقلارینی بیلدیریبلر. آنجاق بین الخالق جامعه ایلک ئونجه ایرانین اورانیوم صاف لاشدیرما چالیشمالاری نین دایاندیریلماسینی ایسته ییر. باشقا بیر طرفدن ایرانین عالی رهبری آیت الله خامنه ای ایسه بوندان قاباق دئییب کی، ایران قرارینی وئریب و اتمی فعالیتینی صبر و اصرار لا داوام ائتدیره جک. او ایرانین اتمی سلاح الده ائتمک سعی لرینین اولماسی اتهام لارینی بیر داها رد ائدیب. روسیه، چین، فرانسه، آلمان، بریتانیا و آمریکانین منافعینی قورویان سوئیس سفیرلری تهران دا علی لاریجانی ایله گوروشوبلر. ب م ت نین قطعنامه سینده ایسه ایرانا حساس اتمی چالیشمالارینی دایاندیرماق اوچون 31 آگوستا دک واخت وئریلیب. عکس حالدا ایران تحریم لرله اوزلشه بیلر . پرزیدنت بوش ایسه امید ائتدیینی بیلدیریب کی، ایرانین سایمازلیغینا امنیت شوراسی فوری قارشیلیق وئره جک