اسد اسرائیلین بیت المقدسه تاریخی سفر دعوتینی رد ائدیب.

اسد   اسرائیلین بیت المقدسه  تاریخی سفر دعوتینی رد ائدیب.
12/10/2006

سوریه پرزیدنتی بشار الاسدین اسرائیل طرفیندن بو ئولکه یه سفره دعوتی رد ائدیلیب. حاکم حزبین قازئتی اولان البعث روزنامه سینین باش یازاری ئوزونون ایلک صفحه ده نشر ائدیلن یازی سیندا یازیر، بئله بیر سفر هئچ واخت باش توتا بیملز. اونا گوره کی بو دعوتی سوریه خالقی قبول ائتمز. اسرائیل باش وزیری شیمون پرز تلویزیون مصاحبه سینده سوریه پرزیدنتینی بیت المقدس ده یئرله شن اسرائیل پارلمانینا گلمه یه دعوت ائدیب. مصرین کئچمیش پرزیدنتی انور ساداتین بئله بیر تاریخی سفری گرچک لشمیشدی. او 1977- جی ایلده اسرائیل پارلمانیندا چیخیش ائتمیشدی. بو گوروش 1979 –جو ایلده مصر- اسرائیل صلح آنلاشماسی و سینا چولونون مصره قایتاریلماسینا گتیریب چیخارتدی. بشار الاسد اسرائیل له دانیشیقلارا حاضیر اولدوغونو بی بی سی یه مصاحبه سینده دیله گتیردیکدن سونرا شیمون پرز ده اونو اسرائیله دعوت ائتدی. اسرائیل حکومتی نین باشچیسی اهود اولمرتین سوزچوسو ایسه اسدین دانیشیقلار تکلیفینی رد ائده رک بیلدیرمیشدی کی، سوریه تروریست گروهلارا دستک وئرمکدن ال گوتورمه یینجه بئله دانیشیق باش توتا بیلمز. سوریه- اسرائیل دانیشیقلاری 2000 جی ایلده دایاندی. سوریه اسرائیل دن 1967-جی ایلده اشغال ائتدییی جولان یوکسک لیک لرینی قایتارماغی ایسته ییر