یاواش یاواش
بیزه چاتماقدا دیئر نوبت
هانی .... تپه گوزلرین گوزونو کیم دویورا بیله جک
بیر گئجه اوغورلان منه
(آی بوز چوخا - چال پاپاق-چیت آرخالیق - گول اوغلان)
دده اینسان دئمه دی بیزلره یا ؟
بیله کی بللی اولور
ائله( قینسیز قلیج) ایله بئیته جک
قار/ داش/ لیق
یا قارانلیق یا ایشیق
و سونوندا دده گلدی آدینی قویدو وطن
(آتینی یان چک - توپ قارا بیرجک - هامیدان گویچک - گول اوغلان)
م- عزیز پور یاشماق درگی سی
نئچه آددیم اویانلیق ،اوغلان قاچیر،قاچمیر قیز گوزونو آچیر،آچیق ساخلاییر قارانلیق ایشیقلانمیر. اوستدن سس گلیر. سس دئییل. های گلیر ایلک های آناسی باشلادی اوزون بورموشدو یورقانا دور موشدی قاپی آغزیندا نه دئدییی آنامیردی قیشقیریردی آتاسی چیپلاق یورغانی قیراغا آتیب قیزین الینی آیاقلادی. قیز یاپیشمیشدی یئره .گوزونو دیره میشدی تاوانا .سسی ایتمیشدی آتا ترله یه ترله یه اوغلانا ساری دونوب اونون قیچینی تیپکله دی اوغلان آتیلدی .یوخودا دانیشدی کیشی اوغلانین اوزونو شاپالاقلادی .اوغلان یوخودان اویانمادان دوروب قاچدیُ .قاپییا دوغرو قلچمادی اوتاغین دووره سینه فیرلاندی آتا قیزی نین باشی اوسته دورموش آل آیاغی ایسه اسیردی. یورغان آروادین اینیندن زویوب دوشدو یئره آنا الینی آتدی دوشونه. قیزین بوغازی قوروموشدو سسی تاپیلدی :سود امه ن کورپه کیمی چیغردی بیر ایللیک اوشاق اولدو .ایمکله یه ایمکله یه گئدی آناسینا ساری یئرین آلتیندان سس گلیر دی .های کوی گلیردی یئرده ایمکله دی دیواردا تاواندا آناسی اوتاغین اورتاسیندادیزی اوسته ایلشمیش یئره باخیردی .دوشن لریندن قان دامیردی. یئکه بیر ایت اوغلانی قووالاییردی اوغلان یو خودا چیغیردی قیزین ایسه باشینادولانیردی قارا ایت قرانلیقدا ایتیردی اوغلان ایتیردی آرواد ایتیردی ساری کپنک قیزین آنیندان قوپوپ اوچدو هله سون غرلی بیتمه میشدی بلکه ئه باشلانغیج میصراع ایدی کپنک گوزلری قیزیشارکن باشی اوسته فیرلانیردی قیز گوزونی آچدی کپنک یوخ ایدی .بیرنجی میصراعی دئمیشدی گوزلرینی یوممادی یومدی
. باشلادی اکینجی میصراعه