اولور
قهردن اکراه ائدنلر لطفه الماز مستحق
مستعد درد اولانلار قابل درمان اولور
محنته صبر ائیله ین راحت تاپار چون یوسفه
سلطنت تختی نین اول پایه سی زندان اولور
گر رضا اولسا قضایه مشگول الماز هیچ حال
عارفه صبر ایله هر مشگول کی وار اسان اولور
سایر مخلوقدان بیر کیمسه اولسا پاکدل
اهل بیتین فرقه سیندن ساییلیر سلمان اولور
خواه سید خواه عامی کام بولماز بی ادب
فعلی مستحسن اولان مستوجب احسان اولور
یوز مشقت چکسه کام دل تاپار انجام کار
هر کیمین عالمده مولاسی شه مردان اولور
اول شهنشه کیم اگر بیر مورا قیلسا التفات
مور حکم ائیلر سلیمان اوستونه سالطان اولورو
ور ملک هم تاپسا عین التفاتیندان نظر
عقل کامل کسب ائدیب البته بیر انسان اولور
هر کیم اخلاص ایله خاک مرقد یندن ذره ای
آلسا انینلا طبابت ائیله سه لقمان اولور
وار اومیدیم فیض لطفوندن فضولی کیم مدام
تادیلیمده قوت نطق و تنیمده جان اولور
