حکیم سید ابولقاسم نباتی دان بیر داها شعیر

سحر مئیخانه اطرافینده گزیردیم مست و بی پروا

کی گوردوم اوندا نا گه بیر عجایب صورت زیبا

مسلسل زلف چیگنینده، مرصع طوق بوینوندا

فرنگی اطلس اگنینده، باشیندا معجر حمرا

ملک منظر ، پری پیکر ، سخن گستر ،وفا پرور

بت مئهرو ،گول خوشبو، سئوزو شکر گوزو شهلا

سمن روخسار مشگین بو، شلائین قامتی دلجو

سراسر فتنه و جادو سراپا شورش و غوغا

گوزن ساعتده ذوقومدان ییخیلدیم مست لا یعقل

داغیلدی عقل باشیمدان آلیشدی آتش سئودا

...................................

اگر گورمک دیلرسن، صورت مجنونی شئیدانی

اوزاق گزمه، تماشا قیل، بودور اول عاشق رسوا

شکسنه خاطیری، محزون سئوزو، آشفته دیگرگون

دوتوب نقش ره مجنون، گزر وحشی کیمی صحرا

نباتی، حمد قیل الله ها، مین شکر و ثنا ائیله

کی مجنونون مقاماتین سنه روزی ائدیب مولا