۲۱ آذر میللی حکومت دن بیر گوز یاشی خاطیره سی
او گون کو حادیثه لره قاتیلان و شهید عائله سی اولان بیر تازه گلینین خاطیره سی بودور.
- بیر نئچه آی یدی کی ائولن میشیدیم، ائریم یعنی قوجام میللی حکومتین فعال عنصر لریندن ایدی و ایران مرکزی اوردوسی گئلندن سونرا و تبریز کوچه لرینده قان روان ایجینده اولان گونلرده ،سورقوسوز و سئوال سیز گولله لن دی.و من تک باشینا قالدیم قورخلو و یامان گونلر گئچیریر دیم.بیر گون قاینانام بیر فایتون کرایه ایله میش و منی آپار ماغا گئلمیشدی،تاکی گئجه ایله شام غازان تبریز حومه سینده اولان بیر کنده دوری گئدئک.ائله گئچمه مه ک ایچون فایتونون کرورکوسون چئکیب و یولا دوشدوخ.بیری بیری میزه سیخی سیخی اوتورموشدوخ. فایتون بوزلی خیاوانلاردا یولا دوشدو. لاکین چوخ هیجانلی آن لار گئچیریر دوخ.هر بئش اون دقیقه دن بیر فایتون چی آشاغی یئنیب و بیز آز مدت دن سونرا گئلیب و یو لا ادامه وئریردی ، و بو فایتونجی نین بو ترز ایشی دفعه لر چه دوام تابدی. و من و قاینانام بو ته هر حرکاتی بیر خطر احساس ائله یب داهادا چوخ قورخور دوخ. آخیر ده قاینانام دیله گئلیب دئدی
_ آی اغا سن الله بیز بیر تک و تنها قادین بو یولاردا نه ایچون هر دفعه دوروب و گئدیر و قایدیر سان والله بیزلرده بیر قیمت لی و بها لی شی لر یوخدور آلله خاطیر بیزلری صحیح سالیم اوز یئریمیزه بوراخ.
فایتون چی داها دا ساکیت اولدو و سوسودی و هئچ بیر سوز دئمه دن یولا دوشدو. و بیر بئش اون دقیقه سونرا دیله گئلدی و دئدی
_ آی خانیم یول اوستونده جنازه لر وار و دونوب لار و آت لار اولکور، و قورخورلار ،گئدمیرلر ، هر دم آشاغی یئنیب اونلاری یول اوستوندن قوپاردیب و زور لا کناره چئکیب گئچیرم،سیزلر هئچ نگران اولماین.
بلی او گون لرده تبریزین خیاوان لارینداو گوچه لرینده جسدلر و اولدورولن انسان قیشین اوتارسیندا بوراخیلیب و افسر لر باشگاهیندا اعلا حضرتین گئلماخ اوزه ره صحبت لر گئدیردی و بیر جشن و شادلیق و شنلیک فیکری سورور دی.
بی خبر بو ایشدن کی اتوز بیر ایل سونرا همین تبریزده او گون کی کس لره و فاتح لره بیر سیچان اواسی دا تایلمایاجاخیدی.
همان اوگون کو تازه گلین و بو گون کی آغ بیر چک هپ اووز قوجاسینی بئکلردی، قوز یاشلاری ایچینده
