دوغوم گونی و بیر فاجعه ۱۳۳۲/۵/۲۸

ایگیرمی سئگیز مرداد آیینین ،  مین اوج یوز اوتوز ایکی ایلین ، مرند شهرین نخود بیک کؤئی بیر قوری چایین قراغیندا بیر فقیرانه ائوین آرغا اطاقی. 

بیر اوشاق آنادان اولارکن، دواسیز حکیم سیز و تکجه بیر ائو و کوی ماماسی،تام دونیانین آخیر زامانی بیر آنایه و همده بیر ائر سیز و پاراسیز عائله و سادجه قالمیش قومشولارین امودونا. 

ایران آدلانان اولکه ده نه لر یاش وئریریب کی ، ائوین کیشیسی و ائری و شاید ده تام نیرو لار اعم  نظام و انتظام و نظیره قوه لر ، دوری تهران باش کنده ، و فرماندار نظام و باشچی سی ، تارخین ان قددار و ظلم کار، سرهنک بختیار و همده تام شهر نو آدلانمیش بیر منطقه نین حیات قادین لاری تاریخ صحیفه سینه بیر نقطه قویان حالدا. 

تهران کوجه و خیاوان لاریندا غریبان سرباز لار و اون باشی لار  سئویل لباسدا و حیات قادین لاری و بیر پئزه ونک ، ویلیز جیپ لری و بیر دیکتاتورون بیوک عکسی آلتیندا ، هارای چئکیب زنده باد شاه سسی. بئلئنچی بیر حالی یاشایامایان پارتی لر و آیدین لار، هره سی بیر یاندا پوزولموش حالدا و باش باکان محمد مصدق  بیک لری قاباغجادان آلمیش بیر پیام اوزه رینه تام تسلیم آولموش حالدا. 

تام بو وضیعتی بیر نئچه ایل بوندان اونجه تجربه ائتمیش بیر انسان . ولی اوگون لرده امپیریالیزیم قوه لرده  دخالتین دن خبرسیز شاه بیر حالدا گلمیشدیر کی تمکین حالی دئه مک اولاردی، محمد بیک مصدق دوباره ایش باشینا گلدی ولی بیر تام چوزولمه میش یارا ، قان و چرک آلتیندا. 

حال کیم رزولت و ملکه کناریندا و همده حیات قادین لاری و شعبان بی مخ آدلی بیر لمپن و هم جوان عسگر و غریبان قوه لر . شاه بیر داها تخته تکیه وئردی و صونرادان بیر قتل عام و داها بیر چئتین گون لر آیدین لارین و سیاسی پارتیلارین پئشینده. 

مرند شهرینده بیر اوغلان اوشاقی دونیایه ایاق باس ماق اوزه ره تام اولکه نین وضعی بیر کودتا حالیندا. 

آتا خبرسیز بیر حالدا و آنا بیر روحی روانی پوزقون دوغوم گون لرین گئچیدی. 

بویوک لر اوشاغین آدین محمد قویدولار، شاید ده اوقدر محمد مصدق دیللرده اولارکن داها بیر آد یادلارینا دوشمه دی. 

طبیعی دیر کی اصلا بیر شی لر یادیمدا قالمازدی و بون لار هامیسی هم آنامین و همده بویوک آنامین سوز لری اولابیلر و هم کی صونرا لار اوقدر من بوگون لره شوق گوستردیم کی دونه - دونه آنام من دئیر دی و خصوصا او آدام سیز و یاردیم سیز گون لردن و آتامین تهران باش کندینده وظیفه اوزه رینه چالیشماسیندان. 

صونرا لار بوی آتدیم . نوخود بی کوی ین گوردوم و مرند شهریندن چوخلو خاطره لریم واردی و همده نو جوان لیق و اوشاق لیق گون لریم داهادا منه خوش لیقلار ایله قالدی. 

شیمدی هم شاه و هم بابام و شعبان بی مخ و همده شاید همان حیات قادین لاری تام گئدیلر و دونیا لارین دئیشدیلر ، و تکجه من قالدیم بو  چرک و قان ایچیدنده کی خاطره لر