قضا و قدر
گون لئردئن بیر گون ایدی کی سن گئلدین،
و همده بیر چیچیک الینده منه اوزتوتب دئدین:داهی بورالاردا قالما گئد،اما گئلدیغین یئره اصلا قاییدما،سنی هم بورالاردا و هم گئلدیغین یئرده کیمسه بئکله میر،نه دوروبسان، سن ایلئیم، گئد داهی بیرده قایدما،گئد... دورمادان گئد...،من هب سنه باخدیم تکجه سورام نه دی بؤیله عجله ،منی سن سیز هارا گئده بیلئرم کی؟من سنی تابماغا بؤیله جه یوللاردان گئلدیم و کیمسه بئله منیم یئریمین بوش لوخونو اصلا دوشونمه دی و شیمدی هارام وار کی گئدئم؟من ائل دئن- اوبادان بئله اولدوم ،داهی کیمسه منی هئچ سورمایب کی؟داهی من نظئر لئردئن دوشدوم و هئچ بیر انسان داهی منی سوراغیمی آلمیر، اولمادیغیمی داهی حس ائدمیر،من گئلئن گون لئر تمام باغ لاریمیز سولموشدی، امما ایندی تمام قار بولت آتیندا قالیب،داهی او دوشئرگه لئرده حتی بیر اوتوراق یئری یوخ،منی سن بو ته هئر له قوورسان.منیمده ایچیمده اولان قورخو بو ایمش بئله من هئچ بیر سوزی آنلامادان گئدیرئم ،من هئچ بئله، بیلئمه دیغیم و ائله مئدیغیم گناها سوشلاندیم .من گئلئنده تنها سن سوردون منده ایسئدیغیمی و سنی سئودیغیمی دئدیم و سن سانکی منی باشا دوشمه دئن باخدین و بیر ایکی داملا یاش گؤزلئرینده منی سوشلادین و دئدین بس نییه بو قدر وقت سیز،من اوگونی سنین نه دئدیغینی قانمادیم و ایندی آرتیق بیلیرئم کی او سوز لئرین معناسی ائله بو یول توتوب تازه یول گدئن اوشاق میش.امما سن هئچ سورمادین کی نه ایمیش بو قدر بی وقت گئلمئلرین نئدنی.منه تانیق اولان او یادیغیم دام لار او سورغو سئوال لار و او حاکیم سیز محکمه لئر و بارماقلیقلار آراسی و هئر اونبئش دئن بیر آنا لای لاسی .منی بوشلادیغیم آن لاردا ، داهی آنام گوچ موشدی،تکجه سن خاطیره لئریمده اولار کئن سنه گئدیم و سنده داهی آنا ائویندئن گؤچ میشدین.داهی منه نه بوردا بیر یئر قالدی نه ائل اوبامدا،منیم قدریم نه ایمیش، بیر عومور بئشمانلیق یا بیر عومور آلاهی اؤلکه لئر ده أکمئکیمه یازیلی قدریمی سورب اودماق.
