"ألیمدئن توت؛ أیاقدان دوشموشئم ساقی" گؤتور دوردی کش ه گؤستئر؛
بو احوالدان ؛گرئک تنها او بولسون حال احوالی؛
منیم داستانیمی بولسون؛ و ورسین بیر پیاله دورد مرد افکن.
دینه گئلمیش بیری؛ غریب دوشموش دیاریندئن.
گئجه گوندوز حالیم زار و نزار اولموش ؛داهی گئدمیر أیاق من نئن.
اگر اقرار ائدئم شرع ه ؛ حلال دی قتل بیر زندیق.
سئویملی سئوگیلیم گئدمیش،منی قویموش نئدئن میخانه کنج ینده؛
داهی سئومئز مگر شیرین فرهاد ی ؛ نئدئن نخجیر قرق اولموش،
نظامی خسرو و شیرین دئمیش؛فرهاد ه تنها تیشه دئن حاصل؛
تمام داغ داش شهادت تیشه دئن آلمیش ؛
می و میخانه دئن اولموش؛ عومور حاصل.
سئویب سئومئک؛ حرام سانمیش .شحنه لئر بیداد ؛
"چون واعظ ین حکمی؛گئرئک اجرا"
1-"ألیمدئن توت؛ أیاقدان دوشموشئم ساقی" سؤز استادی و شاعیر لئر سلطانی شهریار جناب لاریندان آلینیب و سربست شعیره اویغون گئلسین بیر تعغیر وئمئک لازمه سی دی.
2- دورد شراب شیشه سینین دیبینده قالان
3-نخجیر شکارگاه
4-نئدئن نخجیر قرق اولموش؛ اشاره بو کی خسرو شیرینی شکارگاه دا گؤرنده همیشه قرق اولارمیش تا کیمسه شیرینی گورمه سین
داهی تاب توان توکئندی منده کؤنلوم ایستئیر دورمادان گده
یوخدو سؤزوم بو نوع ائله یازمام؛بو ایستئکی دئمئدئن گده
تمام عمروم، ایستئدی نیگاریمی ألیم جانانه چاتمادی محال
گؤروب کیمسه وصاله چاتمادی؛ بو دنیائی فنائی قویوب گده
هانی کیمسه میخانه لئرده گؤرمه دی رخ نیگار پیاله ده مدام
هئر نه یازمیشمیشلار بوبارده هامی خیال میش محال گده
سراسرعاشقانه شعرلئر گوشه میخانه ده یازیلمیش غالبا
کنون کی یوخدو بئلئنجی بو افاده لئر نئدئنسه قالمیر؛ گده
باش گؤتورب سایره عشاق لئر کیمی ؛مجنون و کرم کیمی
بوشلایا بو موطنی ؛هئر یرده وار روح روان ینا سکون گده
دائما بیری رقیب کن؛سویله ییرمدام کی ،سان قافیه تنگ
تنها منی گؤرو اضافه یاراندیم جهانیده؛کؤنول سئونیرگده
یوخ بهانه قالماغا ؛ چوخدان دی شمس گدیب بو دیاردئن
اون سوز نه ائدسین کؤنول یوخدی هوس داها گئرئکیر گده
بیر نیگاره توتولماغین بو دور علاجی ؛ فالماسین گدسین
بو گدیشده سانیرام تام جانیمی هم قلبیمی آلیب گده
وطن نه ایمیش؛ دمیش او حکیم روح ؛ تنها داش توپراق
اینسان لاری ئدئن یوخدو ؛لازیم داش توپراغی قویوب گده
اؤلکه ده صاحب اینام چوخدی سئویب سئویلمگه امما
نه بیر رغبت؛ نه علاقه؛ هامی معاشینه کلا دیرئنیر گده
عومور سونو شمس می تاپدیم؛نه قدر سئوینج یاشادیم
بو سئوینچه اولمادی رقیب ده رغبت؛ ترک یار و دیاری گده
شمس ای اینانیلمیش یول هوسیم قویما من قالیم تنها
ألیمدئن آل منی گؤتور؛ قویما ذات حضرت مولانا میز گده
حسن اسگوئی
غالبا بو سئویب سئویمئگه داهی نظم یئتمیر گرئکیر نظم ده چالیشیلسین،حقیر دائما آشنا لئر دییردیم کی بیزیم نثر ادبییاتیمیزین ییری بوشدی و اگر بو یازلی دیوان ادبییاتی باشدا فضولی نظامی و سایره تذکره لئرده گئلئن لئر و همده بو 17-18 عصیر لئرینده واق و و دادی و حتی بو آخیرده 19 عصرین سونرایندا شاعیر لئر میز اولماسایدی و همده شفاهی آشیق هوالاریمیزدا آغیز سوز لئری بیزه غیرممکون دی بو گوزل ادبییات ارث ه قالا .امما ایندی بو فکیرمه چاتیر کی عشق و سئوینج عالمی تنها شعیر ایستیر ؛ اینسان لار شعیر سیز یازانمیر کندی اؤره ک سوز لئرین ،غالبا بو سئوینج و عشق و سئویلیب سئوممئک تک جه نظم ه منصوب دی .البته بو بارده سوز چوخ و آیری - آیری بیر بهانه لئر ایستئیر یازیلسین.