سئن سیز ای یار دئمیش خوش گذرانیم یوخدو،من سنه ناز ائله منّت چئکیرم

سئن سیز ای یار دئمیش خوش گذرانیم یوخدو،من سنه ناز ائله منّت چئکیرم
خوش اولان صورت مهوش نظرین؛ فکر و ذکریم سخنیم , بو دو حسرت چئکیرم
قویما اغیار ایله تنها ؛ منی ای  سر کمان؛ نه ائده ایم؛همده  توان یوخ من ده
کؤنلومه هر آن دوشور او خوش گؤروشون، قورخوم قالمایا چوخ محنت چئکیرم
تانییرام؛ بختمی من؛ زمانه اهلی دئیر دوشونجه لئریم منی قویما بو صحرا ده
منیم بختیار گؤرلیم؛ قامتین سرو چمنیم،ألیمده قلم سرو بوی قامتین چئکیرم
نه دی بؤیله سئوگی قسمت لئری؛ تانریدان نه گلایه شرک اولار گفته الله الله
گل آل آپار بورادان ؛ دورنالار گؤچدو محال میزا ؛ من  داریخیب خلوتین چئکیرم
نه غملی کدری یئردی نه غریب سئومه ین اؤلکه نئجه قالیم نازنین سئن سیز؛
سهند هوسی قالیب ذهنیمده؛او نازنین گلین قیزلار ،یادیما غیرتین چئکیرم
عصرلئر بویو یاشادی اجدادمیز اورادا ؛ دیلیم اؤره یم اورادا ؛نئدئن قالیم بورادا
گئدئرئم روزگار امان وئر سه؛ یایلا میزا؛ کیم صاحاب اولموش  همتین چئکیرم
وطن هامی خوش دی ؛امما او داغلاین دره سین و مغان قیشلاغین نفسین
نئجه یادیما سالمایم قاراداغ یایلاسین؛ قیزارمیش یاناغلارین هوسین چئکیرم
او تالانمیش یورد او داغیلمیش اوبا ؛گئنج ایگید لئریمیز فعله؛ نه ایمش بو قضا
شمس ای منیم سئوگیم ؛گل آپار بوردان قویما من قالیم بؤیله ذلتین چئکیرم
گل بیر؛لشیب إدئک آباد یورد میز اوردا شأن شوکت ائل اوبا اوردا قالمایاق بوردا
وطن نه داش توپراق ؛دیلیمیز معارفمیز قونشومیز؛سن گوزلین یادین چئکیرم