ادبییات استادی محمد فؤاد گؤپرولو نسیمی حضرت لرین باره سینده مقدمه
محمد فؤاد کؤپرولو
" 14- نجو عصرین سون یاری سیندا دوغو و باتی آنادولودا بویوک بیر شاعیر شهرت قازانان نسیمی ایله صوفیانه کلاسیک شعرین یوکسک بیر تکامل درجه سینده واردیغینی گؤروروک .قولاندیغی لهجه باخیمیندان آذری دائره سینه منسوب اولماغا برابر ؛ بویوک و نفوذو باخیمیندان اونو بو ساحه ادبییات کادروسونا سوخماق ضروری دیر.14-نجو یوز ایلین سون زامان لاریندا استرآباد عرق و آذربایجان و آنادولو ساحه لرینده یاییلان و 15-نجو یوز ایلین ایلک یازی لاری سیندا عثمانلی امپراتورلوغو ساحه سینده بویوک بیر نفوز قازانان بکتاشیلیک ایله قاریشان حروفی لیک ایراندا تز ایتمیش و یانیز تورک لئر آراسیندا یاشامیشدیر .نسیمی بو مسلکی قوران فضل الله نعیمی حروفی نین باشلیجا خلیفه لئریندئن اولوب .آنادولو حروفی یاییلماسیندا چوخ بویوک بیر روا اوینامیش و هجری 7-8 ده دری سی سویولماق صورتیله اؤلدؤرولموشدور نفوذو عصرلرجه عثمانلی و آذر ادبییاتلاری دائره لرینه منسوب شاعیر لر اؤزه رینده گؤزه چارپان و خاطره سی خلق کوتله لری و بالخاصه بکتاشیلر حروفیلر قیزیلباشلار کیمی زومره لر آراسیندا یاشایان نسیمی بویوک بیر شاعیر دیر صوفیانع لیریسم اوندا چوخ قوتلی و چوخ دآهنگلیدیر.
صوفیانه عشقی اونون قده ر صمیمی و جانلی افاده ائده ن شاعیر چوخ نادیر دیر او کلاسیک شعر طرزی نین بوتون قاعده لرینه رعایت ائتمیش ؛کلاسیکشعر شکیللرینی موفقیت ایله قولانمیشدیر .
اونون دیوانیندا کلاسیک تورک شعرینه مخصوص اولان و فارس ادبییاتیندا تصادف ائدیلمه ینتویوقلار دا واردیر .15-16 یوزایللرده آنادولو دا یئتیشن حروفی شاعیرلری نین هامیسی نسیمی یی تقلید ائتمیشلئر .آذربایجان دا ادبییات ایسه حبیبی دن ؛ ختائی دن فضولی دن باشلایاراق بو تاثیر سون زمان لارا قده راؤزونو گؤستئرمیش ؛ حتی چاغتای ادبییاتی دائره سینده نسیمی نین شوهرتی و نفوذو دائیما گؤزه چارپمیشدیر "
