اؤره گ سوزی

هئر گئجه ام اولدوقجا سحر ؛ سن سیز قالان یازدیقلاریم.
 تنها لیغا شاهید قلم ؛
بیرده بو شعیره اوخشایان قان آغلایان گؤزیاشلاریم.
حاصل عمر نه اولموش ؟سن جه؟
بیر اوزون یول منی بئکلیر؛بیر یاشیل یول ؛نه راحات منتظیرئم.
گئدیرئم؛ أل قولی خسته ؛
بوتون ایام گذر نه چئتین لیق؛ گون لئریم اولدی حرام، روح روانیم گئجه لئر.
من کیم ام؛ بیر بختی ایتیرمیش انسان؟.
بو یولون کروانی یوخ،
نه بیلیدیم ؛ قویاجاقسان بو یولون او چئتین دونگه لئرینده تنها.
من کیمی دیم سنی تاپدیم.
او جوان چاغلاریمی ؛چالدین آپاردین ،من خبر سیز نئجه  قالدیم ؟.
خوشودوم لحظه لئره بی خبر امما؛
نه بیلیدیم کی سن، بو اوزون یول لاردا ،قویاجاقسان منی بی تاب توان.
 هئر گئدئن چاغ قره پول.
سنی مندئن آلاجاق ؛ باشقا بیر دؤنگه  سنه مامن ؛من تنها لیق مسکن.
گئنه شاکر  امما،
قورخ او گوندئن سورقو سئوال ؛ سنین احوالاتینی  مندئن ؛ ای بخت چالان ؛
من آچام سفره دل گؤز یاشینا؛

شرم اولار سنده بیر آن؟

=======================================

گئد دیغیم او اووزن گئجه لئر دن قالمیش بیر شعر؛
شاهیدیم ؛ گؤزیاشیمین قان لاری دی.
هئچ منه ؛ اوخشار سئومئک ؟.

نه سئویب نه سئومک داهی بیر کندیمی آللادماق می؟
هن منده بو ته هئر سویله ییرئم؛
آمما بوردا؛ اؤره یم چیرپینیری؛
نه ائدیم؟
بو میراث آ قالمیش؛ عومروم؛نه دییر؟
سونو نه؟ داهی یورقون داهی خسته ؛کیم گئده جاق بؤیله یولو.
یول اوزون دی.
سئومئکده چئتین؛حتی یوز لئر ده اوزاق ، سئوگی لی دئن.

سئومک ده یاساق و سئویلمک ده یاساق

سئومک ده یاساق و سئویلمک ده یاساق.
بیر الست ،حاکیم وار.
تکجه بیر ذات ،همده کبیر.اودی فرمانی وئرئن.
کندی بیر پالچیقدان ؛دوزه دیب بیر انسان ،اوناوئرمیش جیسمی.
امما روح سالی وئرنده ؛ویرمیش اوسینه یه ؛ بیر مهر یاساق.
بیر سئویب سئومئکه خاطیر؛ ائله یب طرد،
جنّت اولموش خلوت.
بیزده اولاد او آدم،نه غریب بیر دیغو.
هم باشاردیقجا خطا،هم باشاردقجا یاساق؛ ایشله ریمیز.
شیمدی بیر عفوه گمان.
بو نه ایمش یاشاماق؟ ... همده دو دونیا یه یاخیش؟
عفو قیل ذات کبیر؛ایلی بئش آی گؤیه باخماق نه ایمیش
بیری سی ماه رجب اوبیری ماه سیام ؛بیرده بیر شوّال دی.
دالیسی ماه محرم بیرسی نیسان دی؛
یاغا او یاغمور رحمت باران،گؤوه ره ائکدیغیمز.
نه غریب گون لئرمیز.
سن اوزون رحم نی اسکیت مه؛ خدایا قالاریق برزخ ده.
بیزلئره رحمت ائله،
هامی میز قابل رحم،سنه واردی اوممید.

ماه صیام-سیام منظور ماه رمضان دی

اوشاق لیق خاطره سی

سنی هئر گون گؤرماق نه گؤزل،
سنی هئر گون سئومک،
داهی بیر عادت دی.
عمر گئد دیکجه سئوین مک،
بیر اوشاق آننه سینین؛ چادرا سینی توت ماق دی.
آننه مین چادراسی بیر گودئری پارچاسی دی ،
اووزومه؛ صورت مه ؛ دئیدیقجا،
نه قدر ساکین اولاردی روحوم.
داهی قورخو یوخ اولارمیش او غریب یئر لئرده.
سید حمزه ؛صاحب الامر زیارتگاهی نی و اونون قوشارینی اؤزله میشم
بیر دونوب دا؛ داهی سئومک نه گؤزل.
ایندی ؛آننام داهی یوخ .
گودئری چادراسی نی؛ اؤزله میشم،
بابا مین بیر قیران وئرمه سینی اؤزله میشم.
هئره سی ؛ ایل لئردی گوچوب؛ایندی اما او گئچئن خاطره لئر؛
منده بیر یاشلی اوشاق تک قالدیم؛ بیر قیران حسرتینه.
او بسیط گون لئری ؛آتامی ،آنامی بیر داها گؤرمک نه گؤزل.
تام گؤزه للیک لئر آتام" لا گئدی
ایندی بیر تیکجه قالیب کوولکه کیمی خاطیره لئر.
داهی اؤلمئک نه گؤزل.

ح- اسگوئی
بیر "قیران" همان ایندی کی بیر "ریال" دئمک ؛اوغلان اوشاغی بیر قیران خرج ائدیب دا،آخشام چاغینا قدر سئوینج ایچینده قالاردی و نه لئر کی آلابیلئردی