بوگئجه دونیانین ان غریبی ام
نه داما ، نه داشا سیغیر بو حسرت
جانی بوغازیندا اولان جانیمی
ییغیر بوغازیما ،ییغیر بو حسرت
دونیادا ان غریب بو گئجه منم
سارالمیش باغچایام ، سولموش چمنم
بئله جه گونلومو سیخیر بو حسرت
دیر گوز یاشینا آغلا بو حسرت
آرزینا نه قدر کولک اسه جک
کولالیق قیصاصی اولان بوینوزتک
بو گئجه آلنبمدان چیخیر بوحسرت
بو گئجه کوزرن کومور اولموشام
عومرومه قنیم بیر عومور اولموشام
دونیانی اوستومه ییخیر بو حسرت
بو گئجه دیدرگین قوش له له سی یم
بیر ایچیم سو
بیر یئییم اکمک اوچون
بو گوندن صاباحا کئچمک اوچون
مین لرله فاجیعه توره دیر انسان
حیلتی سود کیمی چورودور انسان
چورودور لذتینده آپاریر حورمتین ده
آجی دیر لاپ اتینی ده
ائله بیل حیاتا دارالیر اینسان دونیا باشینا دارالان کیمی
چیخادیب دلینی بیر ایلان کیم
نه سه حیاتی اودماق کیمی ایسته ییر
بلکه ده
اوزونو اووتماق ایسته ییر
نهایت
ایستکلری اونونده بوینونو اییر
دورمادان حیاتا یالواریر اینسان
بو گئجه اوره ییم
کیمسه دن اوترو یامان چیرپینیر
دوننده چیرپینیردی
صاباحدا چیرپیناجاق
یقین بیلیرم
مندن اوترو اوریی چیرپینان وار
سن ائی گونده لیک عشقیمی دوغان طا لعیم
آخیر نه اولاجاق بو چیرپینتی لار