فیس

سئودا آدینا بیرده بورئنمیش ؛گئنه او قان ایله فریاد؛هر کیم سئودالی اؤره ک لئر
گر گون آچیلا ؛ سحرین نغمه سی گلسه بیرده مغّنی اوخوسا راست اؤره ک لئر
اوچماق گئلئلی؛ سئودا یه آلیشمیش؛ یورقون دوشه بیلمئز او بیمار اؤره ک لئر 
اوخو هرنئیی یادان چیخاریب ؛پیر موغام صنعتی ؛ شور ائده برداشت اؤره ک لئر
واعظ نه بیلئر شور ندیر؛ دائم او دا بیر پرده چالار؛ همده مخالف ده اؤره ک لئر
گرچی قالا جاق دیر بو مقام دا ؛چون ظن پریشان اولور هر آن ؛ انکار اؤره ک لئر
جانیم اؤلکه یه قربان ؛ ملیون نفوسی وار اونا حیران چون سئودا لی اؤره ک لئر
وار دیل هوسی ؟؛ آل أله بیر درس کتابی؛ قالما داهی ابجد و حوّز ده اؤره ک لئر
ظن ائتمه کی دولت دیلی یوخدو اولاجاق گنج پریشان؛یوخ قاینار دیر اؤره ک لئر
هردیل کی اؤره ک لئرده قالیبدی ؛یوز لئر ایلی گئچسه؛ گنه قائم ده اؤره ک لئر
شمس عشقینه بنظر بو دیلیم من پارچا دا اولسا ؛معنادا قال مفتاح اؤره ک لئر

حسن- اسگوئی

فیس

Hassan Oskouei

نوامبر 30, 2013

گئجه نین قورخولو آتیندا دنیز، بیر تازا دوغموش آیین شوقوندان،
هار لی قیلینج؛ ساخللانمیش؛
گئنه قان توک مئده دی؛ بو هیولا بالاسی یا ربّیم ؛ هارلانمیش
یا گونئش ؟
او دا بیر قانلی چوللئرده کی شاهد؛ دیلی یوخ دنیاده؛ بلکه اوته کی دونیاده
هانی منده او صبیر ؟ ؛بار خدایا ؛ سانیر سان ایّوب ام ؟
قویما قالسین قصاصیم؛
سانکی اورمان دی بو شهیر ؛ بیر ده هله حئلئنسین؟
یئل گئلئنده گئتیریر ،بیر آنا نین فریادین؛
یورقون أللئر چیخاجاق دستک دئن ؛ وئر گئتیرسین قلمی ؛
داهی کوشئن یاتمیر ؛قورویوب اوردا دنیز، هر یانی دووز بولایب ،قوی دئسین ملت میز:
" سئنه گؤرپئز خوش دیر منه ده دووز لی دئنیز "
"نه بیلیم گئلئجئک سئندئن دی " بو بیزه عادت دیر...
آتا مین هم آنامین دائم سوزو بو " الله وار "...البته کی وار ؛ 
بیر کوهول لئرده؛ کؤنول لئرده قالیب ؛ دائم قان دیر ؛چرکاب اؤرک لئرده ؛ داشیر.
ائل کؤچوب؛ گئنج لئر نا فرمان ؛آتالار دیر نالان؛آنالار دا حیران
کربلا قطاع نین ؛ طریقین نئجه قویدون سربست ؛بیر دؤزومون حدّینی گؤستر؛
منده یوخ تاب و توان ... گؤچدو اولاد وطن ؛ اؤلکه سینی ؛ قیز گئلین لئر گئددی
داهی بیزدئن اومما ؛
هر قاچیش بیر تله دی ؛بئچه آهو مارالین گؤزلئرینه؛
بلکه بیر گون گئلئجئک،
گئنه باشدان باشلار یاشامی ؛
هب دوام دی بو گئدیش؛گؤره جک اؤلکه ده بیر کس یوخدو؛ هامی کوچموش؛
بیر دووز اولموش بؤلکه نئیه لازیم قالسین .

فیس

Hassan Oskouei

دسامبر 5, 2013

نئجه سئنله گوروشئن وقت؛ جسم و تنیم؛ خسته اؤرک له آتشه یاندیم؟
دئدیم : یا ربّ اؤزو دیر ؛ گنه من بیر سهوه بول آشدیم 
آلدیم ألیوی ؛ أللئریمه ؛ ایستی دوداقلار ؛ لا یاناشدیم
گؤز یاشینی سیلدیم ؛باغریمدا خیالیمدا سو واشدیم
اووزوم قاوزاندی سما یه ؛تانریم دییه شاهدی نه کیمی احوال لارا قالدیم؟
دئدیم آخیرده فلک ؛یئتدی منه نعمت دیداره دولاشدیم
جان دئدیغیم ،یار وفا داره یئتیشدیم شوق ایله آلیشدیم
گئچمیشدی زمان سانیرام قهرده قالمیشدی باریشدیم
بار خدا یا ؛ لطف ائت قالا قوی ظن خیالیمدا بو؛ دیدار من یاره ساریشدیم؟
گؤزل لیم قویما واهی خیال لاردا قالیم؛ عقل یمی چاشدیم
سر کویون منه منزل امید؛ بو طرفه ده؛ نه چوخلو چالیشدیم
منی بیر دیوانه یه اوخشاردی اوشاقلار؛ داش لاردا؛ آلیشدیم
ائل لئر ده منی مجنون کیمی ساندی ؛داهی بیر ده یولومو چوللره سالدیم
بیر سئوگی دالینجا ؛نئجه من ائل؛ خانه و کاشانه؛ ایتیردیم
بو رسم زمان دیر یئتئنئک؛ یاش باشیمی کامیل ایتیردیم
عین ناغیل لاردا اولان کیم؛ آنا وئردیغی اونشاهی؛ ایتیردیم
گئلدی زمانه ؛ یاندیردی منیم باغریمی؛ قویماز بوفلک غم اولاد یمه یاندیم

حسن اسگوئی
نوع صنعت ثلاثه؛ عرب شعرینده نظیره