Hassan Oskouei

"سئومئگی یاساق" گؤرموش اوشاقلارمیز بیزلئره؛
هب دورور سورور : سیزلئرده هانی اؤره ک؟
داهی تمام دی سیزلئره حیات.
نفس چئکدیغیز بئله فاضلا.
نییه سین دیسه لئر؟
کیم بولاجاق " سئومئک تانری دن قالیب"
تنها لیق بویوموزا بیچیلمیش کیمن.
قوی سیز دییئن اولسون" سئوگیلی اوشاقلارمیز!"
بیزده تنهالیقدا باش ائدئک؛سیز دیین اولسون
"اوشاقلاریمیز"

شمس ین تبریزه گئلمه سی

ای شمس منیم سرّمی سئن ؛ هیچ ؛کیمسه یه آچما
سن تبریزه گئلدیقدا؛منیم روح روانیم؛بیر زنجیری آچما
قوی من یاشایم دیوانه لئر ایچره؛نییه؟ بونلار هامیسی
مست خرابات مغان دی؛داهی سئن میخانه نی آچما
 شمس،گون لئر سایالی گئچدی تمام حاصل عمروم
گئلسئن گؤره سئن؛ داهی احوالمی؛سینه می آچما
سینه آچیلار تام خون جگر دی ؛بیر ده تمام غصّه ایام
هم قصّه ایّام فراق؛ هم درد مکرر؛داهی  مکتبی آچما
 گئلئجئک ؛جمله رقیب لئر ؛منده ألی زنجیرده؛ شماتت
باخ حالیمه ای شمس؛گریان گؤزومه؛ زنجیریمی آچما
 یوسف کنعان؛ بآزار ه چیخار؛ هامی گؤزلئر، سئنه مایل
  تلاشین یوخ؛ صبرائت؛بو تچارت ده داهی، قیمتی آچما
من کی هامی عومروم یغیب، سکّه زر نقره؛ سنین دی
شمس؛ دئمه بیگانه دولاندیم ؛اغیاره دها دکانینی آچما


حسن اسگوئی

بآزاره  = آ کشیده و اوزون صورتده
؛       = ویرگول علامت لئرینده ساکین لیق اوخوماغی راحت ائدیر

بیرجه کیلو قیمه آل

Hassan Oskouei

دوور کیشی یاتما گئنه،گئد ائوه ؛... بیرجه کیلو قیمه آل
سن نه قئدئر یاتمیسان ؟
-ایندی داهی؛ قصابیمیز باغلایب.
-باغلاسا والله داهی؛ ... بیلمیرئم شام و نهارا خسته یم
-یا کی اگر باغلاسا ؟
...
بیر دانادا گئد آل تویوق ...
...
-قول قیچیمین آغری سی؛
هاممی "دییر أت یئمه".
تویوق یئمه... أت یئمه
بئس نه قویوم سیزلئره ...ایندی باتار گون داهی...
سیزلئره شام قویماسام ؛ باشلایاجاقسان گئنه
...
...
-هن شامی بئس نیله دین؟
- هانسی شامی؟ ...سن کی داهی آلمادین؛ بیر جه کیلو أت بئله
-بئس نه ییم ؟ آی بالا ؛ من گئنه شام سیز قالیم؟
- گر یه مه سئم من شامی ؛ دورما رام بیرده سحر؛
- یوخ کیشی شیلتاق لیقین ؛ بیرده بوراق؛... یوخدی سئنه بنظری.
- نان و پنیر بیزلئره تام یاراشیر ای گؤزه ل ،
گئد گئتیر او مجمعه نی،
قوی گئنه راحت یاتیم،هئر گئجه ام اولدو سحر،شام اوزونو گؤرمه دیم.
- یات کیشی شیلتاق لاما ؛سئن نه دی ؛ شام سفره سی ؟
قوی باشیوی یاستیغا ،ایندی داهی صبح اولار.
آی بالا آیلیق چی لار،
گؤرموسئن هیچ شام ییه؟
بیرده کی دکتر دئدی : شام یه مه سیز؛ سالیم اولاجاق جسم ینیز؛
سئنده بوراخ شام سوزون
ایندی داهی صبح اولار.

حسن- اسگوئی